treverk

Vatnstankur við Upsa á Dalvík

Thu, 26 Mar 2026 13:13:39 GMT

Tréverk ehf. hefur undirritað samning við Dalvíkurbyggð um byggingu nýs vatnstanks við Upsa á Dalvík.

Um er að ræða umfangsmikla framkvæmd sem felur í sér jarðvinnu, lagningu lagna og uppsteypu á nýjum vatnstanki. Tankurinn verður um 900 m³ og mun styrkja vatnsöflun og rekstraröryggi vatnsveitu sveitarfélagsins.

Framkvæmdir hefjast á næstunni og er stefnt að því að taka tankinn í notkun haustið 2026. Lokafrágangur verksins mun síðan fara fram á árinu 2027.

Á myndinni eru Björn Friðþjófsson, framkvæmdastjóri Tréverks ehf., og Eyrún Ingibjörg sveitarstjóri Dalvíkurbyggðar við undirritun samnings um byggingu nýs vatnstanks við Upsa á Dalvík.

Ingólfur Jónsson 1936-2026

Tue, 17 Mar 2026 14:03:38 GMT

Ingólfur Jónsson var einn af fimm stofnendum Tréverks árið 1962. Fyrstu nítján rekstrarár fyrirtækisins gegndi hann, til hliðar við hinar daglegu smíðar, starfi framkvæmdastjóra og stýrði því á upphafsárunum í gegnum ófáa brimskaflana. Ingólfur lét af störfum hjá Tréverki árið 1981 og flutti í kjölfarið með fjölskyldu sinni á Laugaland á Þelamörk þar sem hann starfaði sem húsvörður og handavinnukennari. Síðustu fjörutíu árin bjó Ingólfur á Akureyri og þar lést hann 5. mars sl., á nítugasta aldursári.

Ingólfur fæddist á Dalvík 17. mars 1936 og ólst þar upp. Smíðar lærði hann hjá Jóni Sigurðssyni – Jonna á Sigurhæðum og lauk sveinsprófi í húsasmíði árið 1957 og meistararéttindum þremur árum síðar. Einnig starfaði Ingólfur með Hallgrími Antonssyni og um tíma með Stefáni Árnasyni. Þegar sú hugmynd kom upp að stofna Tréverk ákvað Ingólfur að slá til. Hinir fjórir stofnendur Tréverks voru Sveinn Jónsson, Aðalberg Pétursson, Bragi Jónsson og Hallgrímur Antonsson.

Frá fyrsta degi var Ingólfi falin framkvæmdastjórn fyrirtækisins.

Óneitanlega var stofnun Tréverks nokkur óvissuför en fyrir unga og bjartsýna menn var engin hindrun óyfirstíganleg. Þessi fyrstu ár voru lærdómsrík, oft og tíðum erfið, en samhentur starfsmannahópurinn skilaði góðum verkum. Vinnudagur Ingólfs var jafnan langur. Auk þess að stýra útiverkunum og halda utan um hina daglegu þræði í rekstrinum nýttust kvöldin og helgarnar til þess að vinna í bókhaldi fyrirtækisins í kjallaranum heima í Hólavegi.

Það skipti miklu máli að hafa yfirvegaðan mann eins og Ingólf Jónsson í stafni Tréverks á bernskuárum þess. Hlutur hans í því að leggja grunninn var stór og ofan á þann grunn hefur verið byggt á sjöunda tug ára. Tréverk stendur í mikilli þakkarskuld við Ingólf fyrir hans miklu þrautseigju við uppbyggingu fyrirtækisins.

Eftir að Ingólfur lét af störfum hjá Tréverki árið 1981 fylgdist hann vel með vexti og viðgangi fyrirtækisins. Honum þótti sérlega vænt um þegar stjórn Tréverks ákvað að láta skrifa og gefa út bók á sextugsafmælinu árið 2022 og halda þannig sögu fyrirtækisins til haga.

Tréverk kveður Ingólf Jónsson með virðingu og þökk. Við sem störfuðum með honum minnumst hans sem farsæls samstarfsmanns og fagmanns og fyrir allt það sem hann gerði fyrir Tréverk. Ingólfur var sannarlega einn af frumkvöðlunum sem ruddu brautina. Blessuð sé minning hans.

Fyrir hönd Tréverks,

Björn Friðþjófsson.

Framkvæmdir hafnar við nýjar íbúðir á Dalvík

Thu, 16 Oct 2025 14:50:04 GMT

Tvö ný parhús í byggingu við Svarfaðarbraut á Dalvík

Tréverk hefur hafið framkvæmdir við tvö ný glæsileg parhús við Svarfaðarbraut á Dalvík, þar sem rísa munu samtals fjórar íbúðir.

Húsin munu standa við Svarfaðarbraut 19–21 og 23–25 og eru einnar hæðar byggingar með bílskúr og verönd. Íbúðirnar við Svarfaðarbraut 19–21 eru um 140 m² að stærð, en íbúðirnar við 23–25 eru 152 m². Allar íbúðirnar eru rúmgóðar og bjartar, með tveimur svefnherbergjum, alrými, baðherbergi og þvottahúsi með tengingu við bílskúr.

Húsin eru hönnuð af Kollgátu arkitektum og eru uppsteypt með álklæðningu í ljósum lit og viðarklæðningu sem setur hlýjan svip á húsin. Aðkoma og bílastæði verða upphituð með snjóbræðslukerfi, og gert er ráð fyrir hleðslustöðvum fyrir rafbíla við bílskúra.

Framkvæmdir ganga vel og stefnt er að því að íbúðirnar verði til afhendingar í lok næsta árs.

Áhugasamir eru hvattir til að hafa samband fyrir nánari upplýsingar.

Kristján Þorvaldsson nýr meðeigandi í Tréverk ehf.

runarhelgi@gmail.com (Rúnar Helgi Björnsson) — Tue, 20 May 2025 12:08:10 GMT

Tréverk ehf tilkynnir að Kristján Þorvaldsson, sem hefur starfað hjá okkur frá unga aldri og öðlast ríkulega reynslu á þessum árum, er nú orðinn einn af hluthöfum félagsins og orðinn hluti af stjórnendateymi Tréverks.

Eigendahópurinn telur nú átta manns og bætist Kristján þar inn sem góð viðbót í takt við stefnu fyrirtækisins um að yngja upp í hópi eigenda og uppbyggingu framtíðarforystu félagsins.

Framkvæmdir á skíðasvæðinu

runarhelgi@gmail.com (Rúnar Helgi Björnsson) — Thu, 12 Dec 2024 13:03:55 GMT

Framkvæmdir ganga vel hjá Tréverk við uppbyggingu vélageymslu fyrir Skíðafélag Dalvíkur. Í dag 12. des var góða veðrið nýtt vel þar sem þakplatan var steypt með Steypustöð Dalvíkur.

Dvergaholt 1 - Akureyri

Fri, 01 Nov 2024 13:17:44 GMT

Tréverk ehf hefur hafið framkvæmdir við byggingu fjölbýlishús við Dvergaholt 1 á Akureyri. Um er að ræða fjölbýlishús á tveimur hæðum með 10 íbúðum.

Áætluð verklok eru vorið 2026.

Vélageymsla - Brekkusel

runarhelgi@gmail.com (Rúnar Helgi Björnsson) — Tue, 29 Oct 2024 11:54:13 GMT

Tréverk ehf hefur hafið byggingu vélageymslu fyrir Skíðafélag Dalvíkur og ganga framkvæmdir vel. Byggingin er fyrir geymslu og viðgerðir á snjótroðurum og öðrum tækjum, ásamt skíðaleigu. Burðarvirki er steinsteypt og er niðurgrafinn að hluta. Grunnflötur er 385m² og byggingarreitur er 1329,5m².

Aðalgata 14 - Ólafsfirði

Tue, 06 Aug 2024 13:18:27 GMT

Fyrr á þessu ári hóf Tréverk framkvæmdir fyrir Jökul ehf við Aðalgötu 14 á Ólafsfirði. Húsið er tekið allt í gegn og breytt í hótel. Húsið er á fjórum hæðum, Tréverk innréttir tvær efstu hæðirnar með 7 gisti einingum, veitingasal á jarðhæð og heilsulind í kjallara.

Breytingarnar eru hannaðar af AVH og eru áætluð verklok vorið 2025.

Sjafnarstígur 3 - Akureyri

Tue, 06 Aug 2024 13:17:26 GMT

Síðan í vor hefur Tréverk ehf staðið að framkvæmdum við Sjafnarstíg 3 á Akureyri, einning þekkt sem Oddfellow húsið. Framkvæmdum á húsinu fela meðal annars í sér stækkanir á þreimur stöðum við núverandi hús og einnig eru smávægilegar breytingar innandyra. Mikil áhersla er á að stækkanir séu í sama stíl og núverandi hús og ná stækkunirnar yfir báðar hæðar.

Stefnt er að því að gera húsið fokhellt í lok árs 2024.

Breytingarnar eru hannaðar af AVH og Verkís.

Glerárskóli - Akureyri

Tue, 06 Aug 2024 13:14:51 GMT

Tréverk ehf hefur síðustu tvö ár unnið í endurbótum og viðbyggingu í Glerárskóla. Verkið fól í sér heildar endurbætur á A-álmu Glerárskóla ásamt viðbyggingu í innigörðum og úti mannvirkja. Verkið er nú full unnið og eru nemendur komnir í nýjar stofur í A-álmu. Framkvæmdir utanhúss voru einning kláraðar nú á haust dögum.

Skarðshlíð 31

runarhelgi@gmail.com (Rúnar Helgi Björnsson) — Thu, 01 Aug 2024 09:12:11 GMT

Húsið var byggt á árunum 2022-2023. Húsið er 2.hæða steinsteypt fjölbýlishús með 6 íbúðum

600,5 m2 eða 1.869,6 m3 brúttó.

Húsið var byggt fyrir Búfesta.

Jóninnuhagi 6 Akureyri

Wed, 31 Jul 2024 13:38:08 GMT

Tréverk hefur hafið byggingu á 7 íbúða húsi við Jóninnuhaga 6 á Akureyri. Stærð íbúða er frá 53 fm að 104 fm og eru sérstaklega hannaðar með hagkvæmi í huga.

Hringtún 11

robert@stefna.is (Róbert Freyr Jónsson) — Tue, 30 Jul 2024 09:32:36 GMT

Tréverk hyggst byggja parhús við Hringtún 11 á næstu mánuðum. Hér má sjá útlit og afstöðumynd af fyrirhugaðri byggingu.

Íbúðir til sölu í Hringtúni 9

Mon, 29 Jul 2024 11:26:29 GMT

Tréverk er með í byggingu raðhús við Hringtún 9 og er þær komnar í sölu.

Áhugasamir geta haft samband við Björn hjá Fasteignasölunni Byggð, bjorn@byggd.is eða í síma 464-9950.

Tréverk ehf 60 ára 1. október 2022

Sat, 01 Oct 2022 13:38:08 GMT

Þann 1. október 2022 eru 60 ár liðin frá því Tréverk ehf. var stofnað. Á þessum sex áratugum hefur fyrirtækinu vaxið fiskur um hrygg og er ekki ofsögum sagt að vöxtur þess og viðgangur sé samofinn sögu Dalvíkurbyggðar. Þar hefur frá upphafi verið þungamiðja fyrirtækisins en á síðari árum hefur það einnig tekið að sér stór verkefni í nágrannabyggðum. Mikill meirihluta verkefna Tréverks frá stofnun fyrirtækisins hefur verið á Norðurlandi, frá Fljótum og austur í Þingeyjarsýslur, en einnig má nefna viðamikil verkefni austur á Reyðarfirði.

Að stofnun Tréverks fyrir sextíu árum stóðu fimm sjálfstæðir trésmiðir; Aðalberg Pétursson, Bragi Jónsson, Hallgrímur Antonsson, Ingólfur Jónsson og Sveinn Jónsson. Ingólfur var fyrsti framkvæmdastjóri Tréverks og gegndi starfinu til ársins 1981 en þá tók Bragi Jónsson við og var framkvæmdastjóri í átta ár, til ársins 1989 er Björn Friðþjófsson, núverandi framkvæmdastjóri, tók við og hefur því stýrt fyrirtækinu í um þrjátíu og þrjú ár.

Nú eru sex hluthafar í Tréverki: Björn Friðþjófsson, Guðmundur Ingvason, Hafþór Gunnarsson, Ívar Örn Vignisson, Kristján Elí Örnólfsson og Rögnvaldur Skíði Friðbjörnsson. Í stjórn fyrirtækisins eru Rögnvaldur Skíði Friðbjörnsson, formaður, Guðmundur Ingvason og Hafþór Gunnarsson.

Frá upphafi hefur fyrirtækið verið til húsa að Grundargötu 8-10 á Dalvík þar sem eru skrifstofur og trésmíðaverkstæði. Hjá Tréverki eru nú 25 starfsmenn í fullu starfi. Yfir sumartímann, þegar jafnan eru mest umsvif í útiverkum, starfa um 30 starfsmenn hjá fyrirtækinu.

Það fer ekki hjá því að á sextíu árum er verkefnalisti Tréverks langur; íbúðarhúsnæði af ýmsum toga, atvinnuhúsnæði og opinberar byggingar. Fyrsta stóra verkefnið var bygging orlofshúsa á Illugastöðum í Fnjóskadal fyrir verkalýðsfélögin í Eyjafirði á sjöunda áratugnum. Af stórum verkefnum á Dalvík má nefna Ráðhúsið, verksmiðjuhús Sæplasts, Dalvíkurskóla, Svarfdælabúð, íþróttamiðstöðina (íþróttahús og sundlaug) og Menningarhúsið Berg. Stór verkefni á Akureyri hafa t.d. verið viðbygging Háskólans á Akureyri við Sólborg, íþróttahús Síðuskóla, nýbygging Húsasmiðjunnar, ýmsir verkþættir við byggingu verslunarmiðstöðvarinnar Glerártorgs, breytingar á húsnæði gamla Iðnskólans á Akureyri í Icelandair hótel og stækkun Dvalarheimilisins Hlíðar. Utan Eyjafjarðar skal getið um byggingu lúxushótels á Deplum í Fljótum.

Á sextíu ára afmæli Tréverks er verkefnastaða fyrirtækisins góð. Stærsta verkefnið er breytingar á einni álmu Glerárskóla á Akureyri. Í þeim felst endurnýjun á þaki, endurinnrétting álmunnar og viðbygging. Því verki á að skila í júní 2024. Fljótlega hefjast framkvæmdir við byggingu parhúss við Hringtún á Dalvík. Í byrjun október lýkur Tréverk umfangsmiklu viðhaldsverkefni á Dalbæ – heimili aldraðra á Dalvík.

Á þessum tímamótum fara starfsmenn Tréverks og makar í afmælisferð til útlanda þann 26. október nk. Þá hefur stjórn fyrirtækisins ákveðið að í tilefni af 60 ára afmælinu verði tekin saman saga Tréverks frá stofnun þess. Óskar Þór Halldórsson, fyrrverandi blaða- og fréttamaður, hefur te kið verkið að sér. Öflun heimilda er þegar hafin og verður unnið að verkinu á næstu mánuðum.

Verkstæði Tréverks árið 1967

Ingólfur, fyrsti framkvæmdastjóri Tréverks í símanum

Fyrsta stóra verk Tréverks var uppbygging sumarbústaðabyggðar á Illugastöðum

Afmæliskaffi

Mon, 28 Mar 2022 13:38:08 GMT

Núverandi og fyrrverandi starfsmenn hittust í kaffinu til að fagna afmæli Tréverks og gerðu kökunum góð skil.

Óskar Pálmason og Ómar Arnbjörnsson riðu á vaðið

Kökunum voru gerð góð skil.

Húsasmiðjan Akureyri. Uppsteypu sökkla lokið.

Fri, 16 Apr 2021 09:47:47 GMT

Tréverk hefur lokið uppsteypu á sökklum fyrir nýja verslun Húsasmiðjunnar við Freyjunes á Akureyri.

Á næstu vikum verður reist glæsilegt verslunarhúsnæði ofan á þessa sökkla.

Óskar Pálmason starfslok

Fri, 21 Dec 2018 15:17:54 GMT

Nú á dögunum lét Óskar Pálmason af störfum hjá Tréverki eftir rúmlega 53 ára starf. Á þeim tíma hefur hann að einhverju leyti komið að byggingu eða viðhaldi meirihluta af húsnæði í Dalvíkurbyggð. Boðið var upp á tertu í tilefni dagsins og fékk Óskar að sjálfsögðu að skera fyrstu sneiðina.

Tréverk ehf þakkar Óskari fyrir vel unnin störf í gegnum tíðina og óskar honum velfarnaðar í framtíðinni.

Botnplata steypt 19 desember

Wed, 19 Dec 2018 12:41:01 GMT

Það er af sem áður var. Blíðviðrið notað til að steypa allar þrjár botnplöturnar í Hringtúni

Raðhús og parhús við Hringtún

Fri, 16 Nov 2018 15:22:23 GMT

Nú eru hafnar framkvæmdir við nýbyggingu raðhúss og parhúsa við Hringtún á Dalvík. Byrjað var á 3 íbúða raðhúsi við Hringtún 9 og fyrsta steypa á sökklum 16 nóvember. H9_A-102_181016

Sundlaug Dalvíkur

Sat, 10 Mar 2018 15:26:32 GMT

Sundlaug Dalvíkur

Föstudaginn 10 mars skrifuðu Björn Friðþjófsson, fyrir hönd Tréverks ehf og Bjarni Th. Bjarnason, fyrir hönd Dalvíkurbyggðar, undir samning um viðgerðir og endurbætur á Sundlaug Dalvíkur. Verkið hefst 27 mars n.k. og áætluð verklok eru 18 júlí.

Íbúðir við Kirkjuveg

Fri, 21 Apr 2017 14:09:44 GMT

Þann 19 apríl s.l. var hafist handa við uppbyggingu 7 íbúða við Kirkjuveg. Þarna verða byggðar fimm 72 fermetra íbúðir og tvær 85 fermetra íbúðir. Íbúðirnar eru hannaðar af arkitektastofunni AVH ehf.

Tréverk byggir þrjú fjölbýlishús við Austubrú á Akureyri

Wed, 22 Feb 2017 18:05:45 GMT

Síðasta haust hóf Tréverk ehf. byggingu á þremur 16 íbúða húsum við Austurbrú á Akureyri. Húsin verða þrjár hæðir og kjallari. Einnig fylgir bílakjallari með hverju húsi. Íbúðir í húsunum eru 60-130 fm og áætlað er að fyrstu íbúðirnar verði afhentar næsta haust. Tréverk er verktaki við bygginguna.

Ásatún, Akureyri

Mon, 01 Aug 2016 11:41:01 GMT

17 íbúðir í fjölbýlishúsi við Ásatún í Naustahverfi á Akureyri.
Afhent í sumarlok 2016.

Deplar

Sun, 31 Jul 2016 11:41:02 GMT

Deplar í Fljótum í Skagafirði er 2600fm2 glæsihótel, byggt af Tréverk 2014-2015.

Krílakot

Sat, 30 Jul 2016 11:41:04 GMT

Krílakot er leikskóli á Dalvík. Tréverk ehf. reisti 450fm viðbyggingu við skólann sem var vígð í byrjun ágúst 2016.

Myndir frá 30 ára afmæli Tréverks

Sun, 03 Aug 2014 17:16:18 GMT

Gaman er að skoða þessar myndir og má sjá á mörgum þeirra að sumt hefur lítið breyst.

Uppsteypu að ljúka í Sómatúni

Sat, 02 Aug 2014 17:11:48 GMT

Uppsteypu á 10 íbúðar húsi sem Tréverk er með í byggingu þessa daganna fer nú senn að ljúka. Húsið er farið að taka flotta mynd á sig og gengur verkefnið vel.

Vinna við glugga og þak er svo næst á dagskrá þegar steypuvinnan er mest öll frá.

Áætlað er að íbúðirnar séu klárar til afhendingu í lok þessa árs.

Íbúðirnar eru til sölu á flottu verði. Við bendum fólki á að afla sér nánari upplýsinga hjá Fasteignasölunni Byggð.

Framkvæmdir á Deplum

Fri, 01 Aug 2014 17:10:30 GMT

Undanfarandi vikur hafa framkvæmdir á Deplum í Fljótum gengið vel þrátt fyrir mikinn snjóalög. Verið er að byggja upp húsnæði fyrir ferðaþjónustu með áherslu á ýmiskonar útivist.

Uppsteypa á millibyggingu og frágangur þaks er að mestu lokið og búið er að steypa sökkul undir nýtt gistihús. Á næstu vikum verðu timburhús reist á sökklinum og frágangur innanhús í því húsi hefst þegar búið er að loka húsinu.

Áætlað er að halda áfram uppbyggingu á þessum svæði næsta sumar og svæðið verði fullbyggt snemma árs 2015.

Tréverk byggir skólahúsnæði á Siglufirði

Thu, 31 Jul 2014 17:09:27 GMT

Samið hefur verið við Tréverk ehf. um að stækka skólahúsnæði við Norðurgötu 10 á Siglufirði. Byggingin er tveggja hæða steinsteypt hús, samtals 465 fermetrar.

Framkvæmdir hefjast í byrjun febrúar og eru áætluð verklok 15. Ágúst 2014.

Til þess að það gangi upp þurfa aðstæður að vera góðar í vetur því uppsteypa þarf að fara fram núna yfir vetrarmánuðina og verkið þarf að vinnast nokkuð hratt og örugglega.

Það eru ár og dagar síðan tveir byggingakranar hafa verið á lofti á Siglufirði, en eins og komið hefur fram í fréttum eru framkvæmdir hafnar við byggingu 70 herbergja hótels á Siglufirði og eru það fyrst og fremst heimamenn sem koma að því verkefni.

Hóll Svarfaðardalur – Fjós

Thu, 31 Jul 2014 17:06:29 GMT

Stórt og glæsilegt fjós byggt á Hóli í Svarfaðardal. Steyptur var kjallari og þar ofan á reist stálgrindarhús úr einingum. Alls um 860 fermetrar að stærð.

Húsið tekið í notkun vorið 2014.

Becromal – Vatnstankur

Wed, 31 Jul 2013 14:30:36 GMT

Hringlaga steyptur vatnstankur við verksmiðju Becromal á Akureyri. Lítið dæluhús smíðað við hlið tanksins. Tankurinn svo klæddur að utan.

Afhent og tekið í notkun 2012.

Hafnarstræti 107

Wed, 30 Jan 2013 12:41:05 GMT

Innanhúsbreytingar í Sýslumannshúsinu á Akureyri, Hafnarstræti 107.
Afhent í áföngum 2012-2013.

Goðabraut á Dalvík – Raðhús

Sat, 04 Aug 2012 11:41:06 GMT

Raðhúsíbúðir á gömlu Bergþórshvols lóðinni miðsvæðis á Dalvík. Íbúðirnar eru þrjár allar með innbyggðum bílskúr.

Afhent og tekið í notkun 2012.

Prómens Dalvík – Viðbygging

Fri, 03 Aug 2012 11:44:57 GMT

Viðbygging við verksmiðju Prómens á Dalvík. Nýr vinnslusalur byggður utan um nýjan ofn sem Prómens tók í notkun.

Vinnslugeta Prómens jóskst til muna við nýju bygginguna.

Afhent og tekið í notkun árið 2012.

Sómatún 1-3 – Íbúðarhús

Thu, 02 Aug 2012 11:44:58 GMT

Tvö parhús við Sómatún á Akureyri. Fullbúnar, fallegar 4 herbergja íbúðir á flottum stað í Naustahverfi á Akureyri.

Afhent 2012.

Árskógsskóli – Viðbygging

Tue, 31 Jul 2012 11:44:59 GMT

Innanhús endurbætur og viðbygging við Árskógsskóla. Ný forstofa, betra aðgengi fyrir börn og fatlaða ásamt ýmsum lagfæringum innandyra.

Afhent og tekið í notkun 2012.

Icelandair Hótel – Akureyri

Sun, 31 Jul 2011 11:45:37 GMT

Endurbætur og stækkun á húsnæði Icelandair Hótels við Þingvallastræti á Akureyri sem áður hýsti Háskólann á Akureyri. Byggt var ofan á húsið og miklar lagfæringar gerðar í kringum það.

Afhent og tekið í notkun 2011.

Íþróttamiðstöðin á Dalvík

Sat, 31 Jul 2010 11:47:03 GMT

Ný og glæsileg Íþróttamiðstöð byggð á Dalvík. Gjörbreytti íþróttastarfsemi í allri Dalvíkurbyggð ásamt stórbættu aðgengi í Sundlaug Dalvíkur.

Afhent og tekið í notkun 2010.

Háskólinn á Akureyri

Sat, 31 Jul 2010 11:47:02 GMT

Glæsileg nýbygging við 4. áfanga í Háskólanum á Akureyri. Gífurleg stækkun fyrir vaxandi starfsemi í Háskólanum á Akureyri. Einnig ýmsar innanhús lagfæringar á eldra húsnæði.

Afhent og tekið í notkun 2010.

Menningarhúsið Berg

Fri, 31 Jul 2009 11:51:12 GMT

Eitt minnistæðasta verkið í sögu Tréverks. Menningarhúsið Berg í Dalvíkurbyggð er glæsileg nýbygging á flottum stað miðsvæðis á Dalvík og hýsir m.a. fjölnota sal þar sem viðburðir eru tíðir, kaffihús/matsölustað og bókasafn bæjarins.
Mikil traffík er í gegnum húsið á hverjum degi, en heimamenn og gestir nýta húsið vel.

Afhent og tekið í notkun 2009.

Kirkjuvegur Dalvík – Raðhús

Thu, 31 Jul 2008 11:51:11 GMT

Fallegar raðhúsaíbúðir sem standa í grennd við dvalarheimili aldraðra Dalbæ á Dalvík og Ráðhúsið á Dalvík. Falleg raðhús sem koma vel út og passa vel inn í umhverfið.

Afhent og tekið í notkun í áföngum árið 2008

Krílakot – Viðbygging

Tue, 31 Jul 2007 13:53:49 GMT

Nýbygging við leikskólann Krílakot í Dalvíkurbyggð. Flott stækkun undir starfsemi þeirra ásamt innanhúsbreytingum.

Afhent og tekið í notkun 2007.

Hlíð – Öldrunarheimili

Mon, 31 Jul 2006 13:57:05 GMT

Nýbygging fyrir Öldrunarheimilið Hlíð á Akureyri. Glæsileg og vel heppnuð bygging sem stórbreytti aðstöðu á Hlíð.

Afhent og tekið í notkun 2006.

Norðurorka – Stöðvarhús við Glerá

Sun, 31 Jul 2005 13:57:04 GMT

Stöðvarhús fyrir Norðurorku sem stendur niðri við Glerá á Akureyri. Flott og skemmtileg bygging sem fáir vita af og taka eftir.

Afhent og tekið í notkun 2005.